Referendum po su nucleari, aMpI presentat is arrexonis de su SI in Onièri

(IlMinuto) – Casteddu, 1 de su mes''e paschixèdda - "No a su nucleari eja a sa soverania": est custu su títulu de sa campagna po su referendum de a Manca pro s'Indipendentzia abetenti su votu de su beranu chi benit, candu is sardus ant essi lamaus a arrespundi a sa dimanda: "Sei contrario all’installazione in Sardegna di centrali nucleari e siti per lo stoccaggio di scorie radioattive da esse residuate e preesistenti?". Cras a merì su diretivu políticu de aMpI at a presentai is arrexonis de su Sì in Onièri. S'apuntamentu est fissau po is 18.00 in s'àula de su consillu de su Comunu in provìntzia de Nùgoro. "A manca pro s’Indipendentzia – si ligit in d'una nota de imprenta - est andendu bidda po bidda po trisinai a is comunidadis sardas in sa lota contra a su possíbbili fàbbricu de centralis nuclearis o de depósitu de ferrinas in s'Ísula nostra. Gióbia chi benit eus essi in Onièri po presentai is arrexonis políticas e ténnicas po votai senz''e meda pensus SI a su referendum contra a su nucleari in Sardigna".