Sport: sa Ford Focus de Addus e Silecchia bincit su primu "Ronde Rally Ogliastra"

(IlMinuto) – Casteddu, 6 de su mes''e paschixèdda - Funt Claudio Addis e Alessandro Silecchia, ainnantis a Marco Depau, is bincidoris de su "Ronde Rally Ogliastra". Sa primu editzioni de sa gara, acabbada ariseru a merì, esti stetia atrativa e prena de ispantus. Sa ford Focus de Silecchia e Addis at difatis bintu a sa Peugeot 208 de Depau e Donati, dominadoris de is primu duas provas ispecialis. Terzu postu po su campioni de su rallismu sardu Maurizio Diomedi. S'abbogau at guidau cun sa grinta e s'atentzioni de sèmpiri, ma po mori de problemas mecànicus no at possiu portai prus in artu sa classífica  de sa Skoda Wrc sua. "Seu meda cuntentu", at cummentau Mauro Atzei po comenti esti stetiu aprontau s'eventu. "Eus portau innoi - at acrarau - una manifestada chi est arribbada a un'arresurtau chi no si abetiaus po custa provìntzia. Gratzias a s'impignu de s'iscuderia e a s'apógiu de sa Regioni, de is comunus chi ant cretiu in s'eventu podeus afestai s'arrennéscida de cosa chi at biu puru púbblicu meda",