Sport: su Tennistavolo Norghìddo dominat in Belgiu

(IlMinuto) – Casteddu, 21 de su mes''e paschixèdda - Primu bitória europea po sa Tennistavolo Norghìddo. Domínigu a merì is giogadoris sardus ant bintu po 6 a 1 a su Team Hasselt, in Belgiu, concuistendi s'intrada in su terzu turnu de sa TT Intercup. Is atletas norghiddesus ant dominau a is fiammingus, chi no funt mai intraus in partida. Sa trasferta europea no est perou finia in su mellus modu: fintzas a ariseru sa scuadra no est possia torrai in Sardigna: s'aereportu de Dusseldorf, in Germania, furiat difatis serrau po mori de su tempus malu. "Seus prexaus po custu arresurtau - si ligit in d'una nota arribbada in Sardigna atressu de un sms - unu pagu de mancu ddu seus po su tréulu de is trasportus. Cun sa bitória in Belgiu seus arribbaus a is otavus de finali e abetaus su sorteamentu po cumprendi sa fortza nostra in TT Intercup".