Traballu: operàju morrit arruendi de un'imbastimentu. Cgil: "Precisas responsabbilidadis de sa Regioni"

28 Mese de idas 2010
Image
morte_lavoro-150x150.jpg
(IlMinuto) – Casteddu, 28 de su mes''e de paschixèdda - Ancora una morti in su traballu in Sardigna. Ariseru in Terranòa un'operàju, Luigi Silico, de 49 annus, est mortu arruendi de un'imbastimentu artu cincu metrus. Cussa de Silico est sa terza morti in su traballu in Sardigna in ses diris. Po sa Cgil custus is fatus tenint responsabbilidadis precisas. "Sa Regioni - si ligit in d'una nota sindacali - non fait de cordinadori tra is diversus sugetus chi si depint  ocupai de s'atividadi de cuntrollu e prevenimentu de sa seguresa in su traballu". Su segretàriu de sa Cgil, Enzo Costa, fueddat a su presindenti de sa Regioni e a s'assessori de sa Sanidadi po dimandai chi "bengat costituiu debressi su Cumitau regionali de cordinamentu in matéria de seguresa in su traballu previdiu de sa normativa natzionali". In su mes''e totussantus de duus annus fait - ammentat su comunicau de imprenta - sa Giunta Soru iat ammostau su Programma de interventus asuba de su prevenimentu de is disgràzias e de is maladias professionalis po is annus 2008-2010 chi previdiat un'investimentu de cuatru millionis de eurus. "Ita fini at fattu - pedit Costa - cussu programma? Comenti funti stetias ficadas cussas risorsas?".

© RIPRODUZIONE RISERVATA