Don Chisciotte torrat a pigai is traballus. Cumentzat sa ricostruzioni e s’arregorta de dinai

(IlMinuto) – Casteddu, 11 de su mes''e gennàrgiu - Sa cuaddigada de Don Chisciotte no si frimmat. A pagus cidas de s'atentau abbruxadori de su 23 de su mes''e paschixèdda, chi at fattu dannu meda a sa sedi de bia San Giacomo 117, in Casteddu, ariseru apustisprangiu is volonteris de s'assótziu ant cumentzau is traballus de ricostruzioni de unu de is pagus logus socialis de sa citadi. S'atentau no at perou blocau nemmancu po una diri is cursus de italianu po furesteris aprontaus de sa Don Chisciotte. Is letzionis ant essi difatis aghillias po immoi in sa sedi de su Círculu Circolo Togliatti de su Prc, in bia San Domenico. "S'obbietivu nostru - narat su presidenti Matteo Murgia – est de torrai a oberri sa sedi su primu de su mes''e fiàrgiu. Spereus chi custu avenimentu si permitat de torrai a cumentzai afortiendi s'assótziu puru cun genti noa". "Immoi - precisat Murgia - est su momentu de si pinnigai is mànigas po biri si seus in gradu de si torrai a artziai a pustis de custu corpu malu. Po custu eus obertu unu contu currenti bancariu po arriciri donatzionis in nòmini de una cosa giusta. Is donatzionis podint essi donadas a manu puru".

Is cuntatus:

Assótziu Don Chisciotte 0703510734 associazione@donchisciotte@gmail.com

Est possíbbili fai unu bonificu a: Don Chisciotte, Bancu de Sardigna – agentzia n°2 Casteddu, Iban: IT59S0101504802000070265047