Ispetàculus: in su MoMoTi de Pauli sa III editzioni de "Il Grande Teatro dei Piccoli"

(IlMinuto) - Casteddu, 20 de su mes''e gennàrgiu - Arribbat a sa tertza editzioni sua "Il Grande Teatro dei Piccoli". De sàbudu 22 de su mes''e gennàrgiu sa manifestada firmada Is Mascareddas at a torrai difatis in su MoMoTi de Pauli. Ant essi ses is fin''e cida chi ant a emutzionai is aspetadoris de dógnia edadi. Comenti sèmpiri, a contai cun simplesa is beridadis de sa vida, ant essi is contus de imparu, is iscobertas fantasiosas, s'abbiléntzia de sa música, su sonu de is fueddus e is figuras in movimentu. Diversus is tipus teatralis espressaus de is compagnias chi s'ant a esibiri. Po su teatru de is burratinus a guantu ant a andai in iscena sa compagnia de Leccu "Il Cerchio Tondo". Su palcu de su MoMoTi at a biri puru po sa primu borta de cussus 'e totu in iscena su grupu piemontesu Faber teater. E ancora, tra is àterus artistas, is tataresus de "La Botte e il Cilindro", chi ant a portai in iscena un'ispetàculu nou. Po is artistas de is mariunetas a fiu s'at a podi biri s'ispetàculu de unu maistu mannu, s'animadori de Barcellona Toni Zafra.

Ancora, po su teatru s'animatzioni contemporaneu, no ant a mancai is meris de domu de Is Mascareddas e is ravennati de sa compagnia "Drammatico Vegetale". Is ispetàculus ant a finiri s'11 me su mes''e arbili cun is matinèe a is iscolas.