Tàtari oberrit is ennas a su "Carrasegai de is animabis"

(IlMinuto) - Casteddu, 19 de su mes''e gennàrgiu - Funt cumentzadas su 10 de su mes''e gennàrgiu passau is butegas de "Il Carnevale degli Animali", un'eventu de s'Assessorau a is Políticas ambientalis de su comunu de Tàtari fattu cun s'agiudu de sa coperativa Theatre en Vol. Su caminu de giogu e de imparu est po totus is tataresus e no contat s'edadi. A is butegas si participat atressu de is cuatru circoscritzionis de sa citadi, chi ant a fai de cordinadoras in is traballus. Su progetu si sboddiat in duus momentus diversus: su primu presentat unu traballu colletivu atressu de su cali is citadinus chi faint is butegas s'ant a ocupai de inventai, de progetai e de fai un'animabi símbolu de sa circoscritzioni insoru. Su segundhu momentu at a biri unu traballu personali chi bit su síngulu impignau in s'inventzioni, in su progetu e in sa faidura de elementus de costumu chi siant acapiaus a sa costrutzioni de un'habitat: una spétzia de oasi de su riciclu fatta de is animabis-símbolu, de is personàgius e de is ambientis musicalis fattus in sa butega. Is animabis, is personàgius e is ambientis ant a essi aparaus in is pratzas prus importantis de dógnia circoscritzioni