Traballu. Cgil, Cisl e Uil: "No a is tàglius de is serbítzius de netesa a s'Ersu de Casteddu"

(IlMinuto) - Casteddu, 18 de su mes''e gennàrgiu - Su tàgliu grai meda de is pagas de su personali e s'irminorigamentu de sa calidadi de is netesas. Ant essi custas - segundu is sindacaus Filcams Cgil, Fisascat Cisl e Uiltrasporti - is cusseguéntzias de sa decisioni de s'Ersu de Casteddu de addiriri a su cumbéniu Consip po is serbítzius de netesa, chi previdit - si ligit in d'una nota sindacali - "Un'irminorigamentu mannu in is atividadis, d'unu tàgliu de s'oràriu de traballu de casi su 40 po centu". A su tàgliu - denunciant is sindacaus - "no currispindit un'irminorigamentu de su cànoni po s'Ersu, chi at a spendi scéti su 2,2 po centu de mancu, si castiaus, a cantu spendiat primu". "Biu ca su tanti de su dinai postu a disposta no est mudau a confrontu de s'apaltu passau - precisat su comunicau - Filcams, Fisascat e Uil dimandhant chi siant pigadas de s'Enti totus is mesuras po acastiai a is cunditzionis economicas e de traballu de su personali".