Traballu: tassu de disimpreu a su 12.4%. Perdius 24milla ocupaus in tres mesis

(IlMinuto) - Casteddu, 21 de su mes''e gennàrgiu - In Sardigna in su terzu trimestri de su 2010 34milla personis ant perdiu su traballu o ant renuntziau a cicai un'ocupatzioni. Ddu narat su númeru de su mes''e paschixèdda de su periódicu de s'Agentzia regionali po su Traballu "Congiuntura lavoro Sardegna". Po su prus tra su mes''e argiolas e su mes''e cabudanni funt 10milla is traballadoris, forsis desanimaus, chi ant finas cessau de cicai unu traballu e - segundu is arregulas Istat - no funt nemmancu prus classificaus comenti disimperaus. Puru custu fatori acrarat sa melloria de su tassu de disimpreu (passau in tres mesis de su 13,3 a su 12,4 po centu) in preséntzia de unu diminuimentu de 24milla unidadis de ocupaus. "Sa fini de s'istagioni turistica (longa) - narat in s'editoriali su Diretori de s'Agentzia Stefano Tunis - portat difatis a sa serradura senz''e torrada de is cuntratus de traballu stagionalis, cun d'unu craru e lógicu saldu negativu".