UN'ANNU FAIT. Crisi economica: in Roma atóbiu dezisivu po s’Alcoa. Operàjus Vinyls occupant sa turri Aragonesa

(IlMinuto) – Casteddu, 7 de su mes''e gennàrgiu de su 2009 – Diri decisiva po s'Alcoa de Portovesme. Custumerì in Roma, in sa sedi de su Ministeru de su “Sviluppo economico”, s'at a tenni un’atóbiu cun s'azienda, su Guvernu, sa Regioni e is sindacaus. S'atóbiu de oi esti stetiu perou precediu de is afirmazionis pagu bellas de parti de s'amministradori delegau de s'Alcoa Europe, Giuseppe Toya, chi, su 29 de su mes''e paschixèdda, in sa sedi de Confindustria de Igrèsias, at annunziau s'intenzioni de sa multinazionali de s'allumíniu de serrai is istabilimentus in Itàlia, cun sa perdida de 3milla postus de traballu scéti in su Surcis. S’aziendha no giudicat difatis de cumbeniènzia po cuss''e totu is prétzius de s'energia propostus finzas a immoi de su Guvernu. Momentus decisivus puru po sa Vinyls. In custas oras is operàjus de s'istabilimentu de Pòrtu Turre ant difatis ocupau sa Turri Aragonesa po protestai contra a sa mancanzia de un'obertura noa de sa produzioni, si puru sa Finanziaria regionali Sfirs si siat impignada a autorizai una fianza de 20 millionis de eurus de parti de is bancas. Unu fattu chi iat a depi cumbinci a s’Eni a torrai a pigai sa furnidura de energia. “Sa rebbellia de is operàjus no s'at a firmai a s'ocupazioni de sa turri – si podit ligiri in d'una nota de sa Cgil Tàtari – ant essi fattas àteras azionis po spingiri su Guvernu a forzai sa manu po s'obertura noa de is impiantus Vinyls de Pòrtu Turre , Marghera e Ravenna”. Sa serrada de sa Vinyls in sa Sardigna de tramuntana iat essi un'arriscu puru po s'atividadi de sa Syndial de Assèmini – narat sa Cgil – “poita innì si fait su “dicloretano” de furniri po fai su pvc e su vcm”.