UN'ANNU FAIT. "Nessuno deve essere schiavo". Mostranza contra a su razzismu po nai no a sa stresiada de is senegalesus de s’ex Edem de Giorginu

(IlMinuto) – Casteddu, 18 de su mes”e gennargiu – “Bumu djane dogna. Nesciunu depit essi iscrau”. Esti stetiu custu su slogan zerriau de casi centu partecipantis in su presidiu de solidariedadi cun is immigraus in arrumpellamentu “in Rosarnu e in dognia logu”, chi s’est tentu sabudu a merì in Casteddu. A sa mobilitazioni contra a is leis chi – si podit liggiri in d’una nota – “faint diventai impossíbbili poniri in régula medas immigraus, chi senz”e difesas benint tragaus in su mundu de su trabballu senz”e regulas e senz”e seguresa, in condizionis pietosas de isfrutamentu, condizionis chi s’acostant a cussas de s’iscrau” ant partecipau puru is immigraus africanus. Cumenzau de prazza Costituzione, su corteu est passau in su cuarteri Marina – cun s’obbiettivu de fai intendi sa solidariedadi a totus is immigraus residentis ingunis – e est finiu a facc”e su palazzu comunali. In bia Roma is manifestantis ant nau no a sa stresiada, annuziada de su sìndigu Emilio Floris, de s’ex fàbbrica Edem Sarda, in Giorginu, aundi bivint una centina de senegalesus. (Si ringraziat Mariella Setzu po s’agiudu).