"Allora erano Dilettanti...": in s'Eliseu s'ispetàculu de "Nuoro per l'Arte"

(IlMinuto) – Casteddu, 23 de su mes''e fiàrgiu - De chini no est ancora un'artista a chini est professioneri de fama. Cenàbara 11 de su mes''e Martzu a is 20.30, s'assótziu Culturali "Nuoro per l'Arte" aprontat, in is aposentus de su Cínema Teatru Eliseu, unu merì-ispetàculu cun sa participatzioni de artistas chi - si ligit in d-una nota - "chi comenti chini no est ancora artista at fattu onori e at donau lustru a manifestadas comenti 'Dilettanti allo Sbaraglio' o àteras de su mantessi tipu", e oi "s'ammostant cun arrennéscida in is teatrus e in is  pratzas de s'Ísula e puru de sa penísula". Tra is diversus nòminis, est previdia sa participatzioni de: Pier Luciano Pigliaru, Betty Uscidda, Franco Fois, Gian Silvio Comida, Salvatore Pirastu, Sebastiano Pigliaru, Loredana Belloi, Nicola Caso, Salvatore Motzo, Michela Capra, Domenico Scrugli, Alessandro Congiu e àtera genti. S'incassu de su merì - aprontau cun s'agiudu de s'Amministratzioni Comunali de Nùgoro "Assessorau Cultura e Turismu" - at a andai totu a is traballus po arrangiai a sa Statua de su Redentori in s'Ortobene.

Po ndi sciri de prus e po si prenotai telefonai a su númeru 339.8710525.