Apuntamentus: in Thiniscòle "Gramsci contau atressu de is màginis"

(IlMinuto) – Casteddu, 17 de su mes''e fiàrgiu - Po su 120° anniversàriu de sa nàscida de Antonio Gramsci, sa Bibblioteca de su Comunu de Thiniscòle, cun s'agiudu de s'amministratzioni Comunali, sa Bibblioteca Gramsciana Onlus, s'Istitutu ténnicu Luigi Oggiano e s'Istitutu Maritimu e Scientíficu, aprontat po sàbudu 19 de su mes''e fiàrgiu, de is 10.30 a is 12.30, s'eventu "Gramsci raccontato per immagini". Is traballus s'ant a oberri in s'àula Magna de s'Istitutu ténnicu Luigi Oggiano cun d-unu cunvegnu-dibàttidu, chi at a tenni comenti reladori a Giuseppe Manias de sa Bibblioteta Gramsciana. Manias - si ligit in d-una nota - "redatori crítigu po is Cuadernus Tresso in su n. 60, sa bibbiografía a s'única arrejonada parlamentari de Antonio Gramsci, e in su n. 63 de sa mantessi ribista at pubblicau, cun d-una presentata de Aldo Borghesi, duus sàgius chi tenit comenti 'e títulu Antonio Gramsci e il movimento anarchico nel periodo de L’ordine Nuovo' e 'Camillo Berneri tra Antonio Gramsci e Carlo Rosselli'".