“Il mio funerale è stato un disastro”: in Casteddu s’ispetàculu po finantziai a sa circa asuba de s’Atassia de Friedreich

(IlMinuto) - Casteddu, 8 de su mes''e fiàrgiu - Finantziai a sa circa asuba de s'Atassia de Friedreich, un'anomalia chi portat a su dannu progressivu de su sistema nervosu. Est custu s'obbietivu de s'eventu aprontau de GoFAR po cenàbara chi benit in Casteddu. A is 21.00 su sipàriu de s'Auditorium de pratza Porrino s'at a oberri cun s'ispetàculu, pigau de is scritus de is tres líbburus casi inéditus de Filippo Martinez, "Il mio funerale è stato un disastro", presentau po sa primu borta in su festival internatzionali Dromos 2010. S'iscena at essi animada de una fibera de monòlogus de pagu dura, tràgicus e, fatuvatu, rísidus, acumpangiaus de sa música de "S'armeria dei briganti". S'ispetàculu, de casi un'ora e coranta, at essi arrichiu - si ligit in d-una nota - "de sa particiatzioni istraordinària de Elena Ledda e Simonetta Soro, de su contrabassista Antonio Farris e de su Cuintetu a suidus de su Conservatoriu de Música Pierluigi da Palestrina de Casteddu dirigiu de su maistu Giuseppe Falco". Sa regia de s'ispetàculu est curada de Matteo Martinez. Po chini est interessau a s'eventu culturali ddoi at essi unu postali chi at a partiri de Aristanis.