Ispetàculus: in Bosa poesias e contus asuba de sa libbertadi. Su cumbidu de sa "Casa del Popolo" a is "pinnas chi drommint"

24 Fiàrgiu 2011
Image
penne-a-riposo.jpg


(IlMinuto) – Casteddu 24 de su mes''e fiàrgiu - Progetus e progetus in sa "Casa del Popolo" de Bosa. Est de sa conca de is ativistas de cursu Vittorio Emanuele, chi partit sa proposta de ndi scidai a sa fantasia de is pinnas chi drommint. Sa bidea previdit su codromíngiu de un'ispetàculu teatrali chi at a ponni in iscena is scritus sceberaus. S'iscopu est cussu de ingustai a sa fantasia, prusatotu cussa de cussus chi no funt scriidoris. Su tema est: "Libbertadi". In d-unu períodu malu meda, in d-unu momentu comenti custu chi bit custu fueddu sbuzarrau, usau malamenti e abbusau, in d-una situatzioni senz''e torrada comenti cussa de oi, po dda nai a sa Oscar Wilde "dógnia òpera d'arti est su cumprimentu de una profetzia". Po custu motivu is aprontadoris de su progetu cumbidant a is creativus a torrai a donai dignidadi a sa "Libbertadi", e ddu faint inzulendi a "su pópulu" atressu un'arma chi no at a morri mai, sa pinna. Is aprontadoris cumbidant a mandai is contixeddus o is poesias a s'indiritzu email casadelpopolo.bosa@tiscali.it o de ddus insertai in cascitedda de sa posta de sa sedi de sa "Casa del Popolo", in cursu Vittorio Emanuele 84a



© RIPRODUZIONE RISERVATA