Sardigna a fumetus: de cras in IlMinuto is "mistérius" de su traballu nou de Dr. Fonk

(IlMinuto) - Casteddu, 11 de su mes''e fiàrgiu - "Il Mistero di Bruncu Madugui": est custu su títulu de su fumetu nou de Dr. Fonk chi de cras fintzas a martis at essi pubblicau in is "pàginis" de IlMunuto Notizie Mediterranee. Cuatru puntadas aundi su fumetista tataresu, fait libberamenti omagiu a is aventuras de su detective de is cosas impossíbbilis Martin Mystère, si portat a s'iscoberta de su passau arcanu de tanti tempus fait própriu de sa Sardigna. "Mi seu ispirau - acrarat s'artista in sa própriu pàgini personali de Facebook - a elementus de sa traditzioni e de s'arti sarda: po su prus a is brunzitus e is màscaras de cust'ísula ammainadora".