Tennistavolo: 4-1 de sa Marcozzi Casteddu in sa gara cun sa Libertas Siena. Gigliotti: "Satisfatzioni manna de Curcio e Rocca"

(IlMinuto) – Casteddu, 1 de su mes''e fiàrgiu - Totu girat. Cun sa bitoria otenta cun sa Libertas Siena, po cuatru a unu de sàbudu a merì, sa Marcozzi Casteddu si podit alligrai de una fortuna tenta cun d'una scuadra meda brava. In su Palatennistavolo casteddaiu de bia Crespellani su team sardu, impignau in su campionau natzionali A2, gironi B, at otentu is cuatru bitorias de Stefano Curcio (chi at fattu duas partidas), de su cinesu Guo Yu, e de Luigi Rocca e de ai pigau scéti una sderrota po mori de su senesu Conciauro. "Stefano Curcio e Luigi Rocca – at cummentau su ténnicu de sa Marcozzi Antonio Gigliotti – mi funt arregalendi satisfatzionis mannas, ma no teniu dúbbius asuba de s'acrescimentu insoru poita in allenamentu sighint totu cussu de fai, si aplicant e faint biri determinazioni".