"Tennistavolo": ancora una sderrota po sa "Marcozzi Cagliari"

(IlMinuto) – Casteddu, 22 de su mes''e fiàrgiu - Sderrotta mala in Lombardia po su Tennistavolo sardu. Sàbudu passau sa "Marcozzi Cagliari" est stetia binta de sa Sterilgarda Castel Goffredo po cuatru partidas a duus. "Mi parrit chi no ddoi siat prus s'alidanza chi teniat primu - at cummentau su presidenti Mario Gabba - e custu est unu giogu chi si no ddu fais cun su coru no pigas nisciunu arresurtanu". Nonostanti is duas sderrotas in su cumintzu de su gironi de torrada, sa scuadra sarda podit ancora bolai. "Su campionau est ancora obertu - si ligit in d-una nota de imprenta - e s'at a podi guadangiai su play off stringendi is dentis".