Apuntamentus: in Murèra torrat sa Sagra de is Agrùminis

(IlMinuto) – Casteddu, 24 de su mes''e martzu - S'oberrit cun sa Sagra de is Agrùminis su beranu de su Sarrabus. De s'8 a su 10 de su mes''e arbili de su 2011 Murèra at a diventai un'importanti aparada de totus is produtzionis de agrùminis e prusatotu de cussas de su logu. In Murèra no ddoi ant essi scéti is caboris de is ortus, ma puru cussus de is tapetus e de is aratzus chi s'ant podi ammirai in is bias de sa bidda. Sur rei beru de sa Sagra at essi perou s'agrùmini chi at a podi essi comporau e tastau a solu o comenti ingredienti de diversas arretzetas traditzionalis. Po sa Sagra de is Agrùminis, a pustis de tantu insertada in su circúitu de Is Eventus Mannus de sa Sardigna, ant a abarrai obertus su museu "Donna Francesca Sanna Sulis" e "La Casa dei Candelai".