Ispetàculus: in su Teatru Massimo arribbat su "Don Chisciotte" de Franco Branciaroli
Image
(IlMinuto) – Casteddu, 22 de su mes''e martzu - "Totus cantu is fítzius [...] tenint aintru unu tipu de praxeri indefiniu, sa sàngia invecis no portat si no cherpu, àstius e arràbbiu". (Don Chisciotte)
Po sa Stagioni de prosa 2011-2012, su Cedac Sardigna aprontat s'ispetàculu "Don Chisciotte", chi s'at a tenni in is aposentus de su Teatru Massimo de Casteddu de su 23 a su 27 de su mes''e martzu. Su "Chisciotte" est unu progetu pensau, dirigiu e interpretau de Franco Branciaroli e prodùsiu de su Teatru de is "Incamminati". Dópia interpretatzioni cussa de Branciaroli, chi eus a agatai, difatis, in su rolu de Don Chisciotte e in cussu de Sancho Panza. S'artista at essi su protagonista de unu partu gemellari, cussu de is duus rolus suus, chi dd'at a biri impignau a stròciri is boxis de duus atoris mannus, Vittorio Gasman e Carmelo Bene.Duus artistas - precisat Branciaroli - "chi si stimant a pari e forsis, comenti Chisciotte e Sancho Panza, rapresentant un'únicu modu de pensai a su mundu biu de duus cuntràrius". S'atori-regista est arrennesciu a rapresentai un'òpera chi po is milla pàginis e is numerosus episodius suus est de difícili rapresentatzioni, de su mamentu chi in teatru - precisat - "apu pensau de no 'fai' a Chisciotte, ma de 'fai cussu chi issu fait', est a nai stròciri. Eccu poita in sa rapresentatzioni [...] giau a Chisciotte sa 'mascara vocali' de Vittorio Gasman e a Sancho Panza cussa de Carmelo Bene, duus cuadderis mannus de s'iscena nostra"
Po ndi sciri de prus telefonai a su 070/270577
Po sa Stagioni de prosa 2011-2012, su Cedac Sardigna aprontat s'ispetàculu "Don Chisciotte", chi s'at a tenni in is aposentus de su Teatru Massimo de Casteddu de su 23 a su 27 de su mes''e martzu. Su "Chisciotte" est unu progetu pensau, dirigiu e interpretau de Franco Branciaroli e prodùsiu de su Teatru de is "Incamminati". Dópia interpretatzioni cussa de Branciaroli, chi eus a agatai, difatis, in su rolu de Don Chisciotte e in cussu de Sancho Panza. S'artista at essi su protagonista de unu partu gemellari, cussu de is duus rolus suus, chi dd'at a biri impignau a stròciri is boxis de duus atoris mannus, Vittorio Gasman e Carmelo Bene.Duus artistas - precisat Branciaroli - "chi si stimant a pari e forsis, comenti Chisciotte e Sancho Panza, rapresentant un'únicu modu de pensai a su mundu biu de duus cuntràrius". S'atori-regista est arrennesciu a rapresentai un'òpera chi po is milla pàginis e is numerosus episodius suus est de difícili rapresentatzioni, de su mamentu chi in teatru - precisat - "apu pensau de no 'fai' a Chisciotte, ma de 'fai cussu chi issu fait', est a nai stròciri. Eccu poita in sa rapresentatzioni [...] giau a Chisciotte sa 'mascara vocali' de Vittorio Gasman e a Sancho Panza cussa de Carmelo Bene, duus cuadderis mannus de s'iscena nostra"
Po ndi sciri de prus telefonai a su 070/270577
© RIPRODUZIONE RISERVATA