Nascit s'Osservatóriu contra a is scontrórius. Custumerì assembrea in su Casteddu social forum

(IlMinuto) – Casteddu, 22 de su mes''e martzu - Cuntrollai, contrariai, denunciai e, si fessat possíbbili, prevèniri a is diversus tipus de scontrórius. Ant essi custus is obbietivus de s'Osservatóriu asuba de is scontrórius chi s'at a costituiri custumerì in Casteddu in d-un'assembrea aprontada a is 18.00 in sa sedi de su Casteddu social forum, in bia Lanusè 15. Funt cumbidaus a participai a s'atóbiu totus is grupus, is assótzius e is personis interessadas a su tema. S'Osservatóriu at a acastiai a is cunditzionis de vida in is presonis e in is centrus de acasàgiu e de dispàciu, ma at a denuciai puru "is modus impitaus de su poderi, puru atressu de s'imprenta, po atacai a su disacórdiu, cun trebeas de is libbertadis e de is diritus de is personis sèmpiri prus craras" e "sa cosa crara est puru ca su stadu si cumportat cometi fait unu stadu coloniali cun is próprias 'colonias intérnas'".