Universidadi: su Tar donat arrexoni a su Retori asuba de sa decaidura de is istudius. “Recursu contra a sa senténtzia de foras de conca”

(IlMinuto) – Casteddu, 14 de su mes''e martzu - Unixs no mollat. A pustis de su sì de su Tar Sardigna a normas noas de s'Ateneu asuba de sa deicaidura de is istudius, su gruppu de is istudiantis est giai aprontendi su recursu a su Consillu de Istadu. "Is abbogaus Barberio e Tack funt traballendi - si ligit in d-una nota de Unixis pubblicada in Facebook - po fai recursu contra a sa senténtzia de su Tar Sardigna asuba de su recursu notru fatta de su Tar Sardigna, una senténtzia de foras de conca". "Su Tar - narat Unixs - at donau invecis unu giudítziu discutìbili asuba de sa laurea stantissa si pigada foras de cursu, acotzendi in pagu fueddus is tesis senz''e conca de su Retori Melis e de su Senau Académicu, chi bolint scancellai in modu illegìtimu sa carriera de unu númeru mannu de istudiantis.