Apuntamentus: Casteddu, Aristanis, Tàtari e S'Alighera is frimmadas de su Festival de su etnogràficu

(IlMinuto) – Casteddu, 18 de su mes'e arbili -  S'ISRE rennovat s'apuntamentu cun SIEFF: su Festival chi viagiat benit presentau puru ocannu in is citadis prus importantis de sa Sardigna, ammostendi unu sceberu de is film in cuncursu a sa XV Rassegna Internatzionali de su Film Etnogràficu de su 2010. Su tour s'agatat aintru de is principalis atividadis chi promovint a s'antropologia visuali comenti istrumentu essentziali po s'istudiu, sa circa e su diàlogu cun is culturas de totu su mundu. Sa primu frimmada, martis 19 e mérculis 20 de su mes'e arbili a is 18.30, in is aposentus de su saloni de sa "Società Umanitaria" in s'arburada Trieste 126. Ant a sighiri is frimmadas de Aristanis, su 2 e su 3 de su mes'e maju sèmpiri a is 18.30, in sa saba de su Centru Serbítzius Culturalis Unla in bia Carpaccio 9, de Tàtari, martis 10 de su mes'e maju, a is 15.00 in sa saba Umanistica de sa Facoltadi de Líteras e Filosofia in bia Zanfarino 62, e de S'Alighera, mérculis a is 18.30 in sa saba Manno in bia Marconi 10. Sa manifestada est fatta cun s'agiudu càmbiu de sa "Società Umanitaria Cineteca Sarda" de Casteddu, s'Unla Centru Serbítzius Culturalis de Aristanis, sa "Società Umanitaria" Centru Serbítzius Culturalis de S'Alighera e sa Facoltadi de Líteras e Filosofia de s'Universidadi de is Istudius de Tàtari.