Apuntamentus: cumetzat a segundha editzioni de su Teatru Populari de Guasìlla

(IlMinuto) – Casteddu, 5 de su mes''e arbili - Domínigu passau est torrada in iscena sa rassigna de Guasìlla "Teatro Popolare". Puru sa segundha editzioni de sa manifestada est dedicada a su Teatru Populari Sardu i est aprontada de s'Assótziu "Figli d’Arte Medas": sa compagnia teatrali chi traballat de su 1906 e chi oi est dirigia de Gianluca Medas. Po s'eventu, sa família - originària de Guasìlla - at arriciu de s'amministratzioni comunali de sa bidda un'importanti arreconnoscimentu: de domínigu 3 de su mes''e arbili cussu chi oi est s'ex "Teatru Montegranatico" at pigau difatis su nòmini de "Teatru Fratelli Medas". In is aposentus dedicaus a sa Compagnia istórica ant essi aghillius noi apuntamentus chi - si ligit in d-una nota - "ant a animai totus is fin''e cida tra su mes''e arbili e is primus de su mes''e làmpadas, aintru de custus s'ant alternai, in prus de is Medas, diversas compagnias Teatralis, grupus de cuncordu e compagnias de atoris diletantis de su territóriu e no scéti de custu". Is ispetàculus s'ant a tenni totus in is aposentus de su Teatru "Fratelli Medas", in pratza Municipio, dógnia sàbadu a is 19.00. Po ndi sciri de prus telefonai a su 070.7344476 o a  su 329.4338672 o scriei a info@figlidartemedas.org.