Cgil, Cisl e Uil contr'a Cappellacci: "Ausenti a s'atóbiu asuba de su traballu i ecunumia"

(IlMinuto) – Casteddu, 8 de su mes''e arbili - "Unu fatu grai meda". Aici is segreterias de Cgil, Cisl e Uil giudicant a s'auséntzia de su presidenti de sa Regioni Sardigna, Ugo Cappellacci, a s'atóbiu - fissau po ariseru a is 15.30 – po chistionai cun is sindacaus confederalis de is políticas de su traballu. "Cun totu chi sa preséntzia fessat necessària - si ligit in d-una nota de imprenta - po acrarai cali fessat sa disponibilidadi de ponni in pràtiga is impignus pigaus cun s'acórdiu de su 4 de su mes''e làmpadas, is sindacaus si funt cunfrontaus cun is assessoris presentis asuba de su pranu istraordinàriu po su traballu e asuba e s'apretu económicu e sociali grai chi est bivendi sa Sardigna".