Língua sarda: cras in Casteddu workshop asuba de s'ammaistramentu de is maistus

(IlMinuto) – Casteddu, 7 de su mes''e arbili - Favorèssiri e avalorai s'impitu de su sardu atressu de s'ammaistramentu de is maistus de sa língua de s'Ísula. Est cantu proponit Fils: unu progetu nou de s'assessorau regionali de sa Púbblica Istrutzioni, de sa Facoltadi de Líteras e Filodofia de s'Universidadi de Casteddu e de sa Diretzioni scolàstica regionali. De su progetu s'at a chistionai cras in Casteddu (9.00. Hotel Regina Margherita) cun d-unu workshop chi s'at a oberri cun is saludus de s'assessori regionali de sa Púbblica Istrutzioni, Sergio Milia, de su Retori de s'Universidadi de Casteddu, Giovanni Melis, de su presidi de sa Facoltadi de Líteras e Filodofia, Roberto Coroneo, e de su Diretori scolàsticu regionali, Enrico Tocco.