"Mobbíglius de s'Ufíciu provintziali de su Territóriu de Casteddu destruius e scavuaus is su muntronaxu", s'Usb denuciat a s'"isperdítziu de su dinai púbblicu"

(IlMinuto) – Casteddu, 1 de su mes''e arbili - "Un'isperdítziu de risorsas e de dinai púbblicu, un'isfrégiu a sa poberesa sèmpiri prus manna e a su disimpreu chi est bivendi sa sociedadi sarda".  Cun custus fueddus su sindacau de basi Usb debunciat a sa decisioni de s'Agentzia de su Territóriu de si ndi libberai - destruendiddus e scavuendiddus in su muntronaxu - de is mobbíglius chi fintzas a pagus oras fait ammobbigliant s'Ufíciu provintziali de su Territóriu, in Casteddu. "Est de foras de contu - denunciat Usb - chi mobbíglius [...] chi ant ammobbigliau fintzas a ariseu (29 de su mes''e martzu, ndr) cun dignidadi manna sa sedi de s'ex Ufíciu provintziali de su Territóriu de Casteddu bengant destruidus e scavuaus in su muntronaxu senz''e de ai intendiu is àteras amministratzionis púbblicas, is assótzius de volontariau chi funt in su territóriu, sa Croce Rossa [...] po biri si is mobbíglius de is Ufícius e de is archíviu podiant essi torraus a impitai in calencunu modu".