"Pigai a chini at passau su cuncursu", in Casteddu unu pichetu de is traballadoris de sa sanidadi

(IlMinuto) – Casteddu, 22 de su mes'e arbili - Sighit sa lota de is traballadoris de sa sanidadi contr'a s'impitu meda mannu de traballadoris de is agentzias interinalis. Custu mangianu is operadoris ant fai unu sit in a fac'e sa sedi de su Consillu regionali, in Casteddu, po dimadhai ancora una borta de pigai cun d-unu cuntratu seriu a "is figuras professionalis chi ant superau unu cuncursu a norma". "Agoa de unus cantu atóbius cun s'Assessori de sa Sanidadi - si ligit in d-una nota de imprenta - e cun is àterus cummissarius e is manager chi oi funt in is Aziendhas Sanitàris, eus cumprendiu ca po calencunu dirigenti est diventada cosa paxiosa arrespetai a is leis, est a nai a impitai su traballu interinali [...] in forma istraortinària. Ma in su mantessi tempus bideus ca custu principiu [...] no est stetiu cumprendiu de Garau (Dirigenti de s'Aziendha Brotzu)".