"Su Karate est unu sport po totus is edadis". Unu cuartesu de 67 annus fait sua sa cintura niedda

(IlMinuto) – Casteddu, 8 de su mes''e arbili - Su Karate no est scéti unu sport, ma est puru unu manera po perfetzionai,  a dogn'edadi, su caràtiri e po afortiai s'ispíritu. Un'esémpiu craru de cantu nau est Alberto Fanni, 67 annus, chi at fattu sua sa cintura niedda agoa de set'annus de pràtiga senz''e pàsiu, una pràtiga cumentzada a 60 annus fattus. Fanni at otentu su primu dan in sa sessioni de is esàminus de su tre de su mes''e arbili passau, tenta in sa sedi de su Karate club Kanazawa de Cuartu Sant'Aleni. "Fanni - si ligit in d-una nota at fattu un'esàminu meda bonu, custu a dimustrai ca su Karate traditzionali shotokan si podit fai a totu is edadis". In sa mantessi circustàntzia - a fac''e sa cummissioni natzionali fatta de is maistus Alberto Piludu, Alberto Fogu e Sergio Russo – ant passau is esàminus de gradu puru Marco Betzu, Matteo Veroni e Donatella Ghironi (I°dan) e Salvatore Cogoni, Ettore Cogotti e Antonio Falchi (II°dan).
Sa diri primu sa palestra de bia Eleonora d’Arborea iat aghilliu a is esàminus po àrbitru e uficiali de gara.