Apuntamentus: a Biddanoa de Tulu sa Sagra de sa cerésia

(IlMinuto) – Casteddu, 27 de su mes'e maju - Tra sa cos'e papai prus bella de Biddanoa de Tulu ddoi funt senz'e dúbbiu is cerésias, istraordinàrias po sa suciosidadi insoru. Po fai onori a custu frutu sa Pro Loco de sa bidda at aprontau sa Sagra de is cerésias, eventu chi si caraterisat come manifestada e puru comenti mamentu de promotzioni de unu prodotu de su logu. Po sa festa, is aprontadoris ant ammanitzau aparadas cun is prodotus de s'artesania e cun cussus de sa terra, prodotus chi benit de totu sa Sardigna. De is 9.00 a is 24.00 de su 16 de su mes'e làmpadas sa bidda de su Sarcidanu at a ringratziai a s'Ísula avalorendindi is prodotus. Is atastus de sa reina de sa festa, sa cerésia, ant a cumentzai a is 19.00, mentris sa diri at a lompi a sa fini a pustis de is ballus chi ant a cumentzaia is 21.00.