Masainas, in 500 frimmant su sfratu de Natalino Nassitti

(IlMinuto) – Casteddu, 31 de su mes'e maju - A pagus cidas de sa rebbellia de is 10milla in Casteddu sighit su muru de is traballadoris contr'a is scicutamentus e contr'a is cummosàrius. Ariseru pagu prus de 500 personis in rapresentàntzia de Mps e de su "Movimento artigiani e commercianti liberi" ant impediu, in Masainas, de notificai su sfratu a Natalino Nassitti. Su cummosàriu, acumpangiau de is carabineris, a s'arribbu suu at agatau una bella "meredda de genti" in difesa de sa domu de su pastori. "Tocat a dd'accabbai cun is angarias - at cummentau su leader de su 'Movimento Pastori Sardi Felice Floris' - su 'Movimento dei Forconi' at a lotai contr'a is agarias de su Stadu in is cunfrontus de is traballadoris". Un'atzioni chi no s'at a limitai a s'arresesténtzia. "Boleus fai una onlus no profit - at acrarau su rapresentanti de su 'Movimento artigiani e commercianti liberi', Andrea Impera - po agiudai a is personis chi s'agatant in apretus mannus e malus cun d-un'arregorta de dinai".