Apuntamentus: arribbat in Carluforti su "Posidonia Festival 2011 Arte e Natura"

(IlMinuto) - Casteddu, 8 de su mes'e làmpadas - Sbarcat in Carluforti su festival internatzionali de arti, ambienti e isvilupu sostenìbili. De su 27 a su 30 de su mes'e argiolas, su "Posidonia Festival 2011 Arte e Natura" at animai sa biddixedda de s'Ísula de Santu Pedru. Su festival, chi pigat su nòmini de sa "posidonia oceanica", mata de su mari chi est de importu mannu po is ambientis de su Mediterràneu poita est necessària a amparai a is costeras de s'iscorroncada, po tres diris at a colorai s'istadi de Carluforti. Ant essi diris chi s'ant a sboddiai in nòmini de s'ecologia, de is pràtigas sostenìbilis, de su rispàrmiu energeticu e puru de su divertimentu. Dógnia merì funt previdius concertus, ispetàculus, performance, film e cortometraggius chi tenit comenti tema s'ambienti, ddoi ant essi "installazioni" artísticas, butegas de po a torrai a impitai sa cosa usada, cuferéntzias, atóbius e puru un'"EcoFiera".