Apuntamentus: Nostos afestat su prim'annu de vida

(IlMinuto) – Casteddu, 24 de su mes'e làmpadas - Su progetu est cumentzau su 26 de su mes'e làmpadas de su 2010 presentendusì comenti progetu culturali chi teniat s'intentzioni de bivi a longu i a pustis de un'annu s'iscopu de is imbenteris marciat. S'obietivu de su progetu est cussu de torrai a is arrexinas de sa vida sotziali, in totus is facis suas, siant cussas culturalis, artísticas, didàticas o de traballu. A un'annu de vida is imbenteris ringratziant is giornalistas, is amministradoris trisinaus, is centrus culturalis i cussus teatralis, totus is artistas e chini at agiudau a fai manna custa bidea. In is ringratziamentus Nostos no si ndi scarescit de is ligidoris, de chini at mandau dinai e de chini at sèmpiri acotzau su progetu. Una torrada a castiai a foras - si ligit in d-una nota - "a foras de su mundu de sa televisioni, a sa sotzialidadi, castiendi a s'impignu, a su spàssiu e circhendi de passai su tempus impari in is mantessi logus, a fueddai de bideas e de tempus benidori. Nostos est a nai sa torrada. E cun sa torrada a s'arregodu de su 26 de su mes'e làmpadas de su 2010, chi Nostos agoa de un'annu, sàbudu 25 de su mes'e làmpadas at a fai una festa in Tadasune, in is aposentus de Domu Pinna, a cumentzai de is 11.00 fintzas a is 22.00. Unu cumprimentu de is annus arricu e interessanti chi s'at a oberri cun d-una mostra grafica e iconografica de "Nostos annu primu" e cun atastus de binus, salùminis, casu e àteras cosas fintzas a is 18.30 candu su Maistu Carlo Giaccone de s'Iscola de Pintura Cyan de Torinu at a fai un'atóbiu asuba de sa Pintura a China, in custu at a chistionai de s'esperiéntzia sua in Cina po cuncodrai agoa una proa de pintura/performance. A is 20.30 is videu-maKers Claudio Paletto e Maddalena Merlino ant a presentai su film colletivu "Walls and borders" nàsciu de su traballu de pagu prus de 100 registas po 80 cortometragius, cinc'oras de videu-art, videu-inchiesta, ficticon, cartonis animaus. Su Dvd at a benni proietau de su mangianu e torrau a proietai po duas bortas in duus aposentus diversus de Domu Pinna.