Festival: in Carluforti sa segundha editzioni de s'ÚÌZE

(IlMinuto) – Casteddu, 16 de su mes'e làmpadas - "Is ísulas e su Mediterràneu tra línguas, sonus e rivolutzionis". Arribbat a sa segundha editzioni su festival aprontau de Franciscu Sedda e finantziau de su Comunu de Carluforti. ÚÌZE si presentat comenti unu viàgiu ammainadori, unu viàgiu tra is diversidadis linguìsticas de is ísulas e su Mediterràneu castiau comenti su bratzolu de cambiamentus is crescimentus. Po custu - si ligit in d-una nota - "sa figura de Fabrizio De André s'est parta una de is ghias prus giustas po fueddai de una bidea diversa de apartenéntzia isulana e mediterrànea", una bidea, "fatta de tantis línguas, de ingruxaduras de linguàgius musicalis, de nàvigus, atopus e aciocus chi ant fattu de su mare nostrum unu logu de acabiddadura de istórias". In is duas diris de su 25 e de su 26 de su mes'e làmpadas de su 2011, tra is diversas personalidadis chi ant allirgai s'eventu ddoi ant essi puru Cristiano De André (musicista e cantanti), Franco Cassano (teóricu de su "pensiero meridiano") e Lucio Caracciolo (diretori de Limes).

Po ndi sciri de prus est possíbbili scriri a info@uizefestival.org o telefonai a is númerus chi sighint: 328.2136364 – 335.1939770