Ispetàculus: passus de dantza in "Divine Delizie"

(IlMinuto) – Casteddu, 30 de su mes'e làmpadas - "Ollu is abas, unu croxu, unu bruncu de elefanti, suai fumu, mi ollu atrotoxai, mi ollu scumponni, ollu essi dónnia cosa, mi ollu liberai cun is prufumus, ollu cresci comenti is matas, e scurriri comenti s'àcua, trinniri comenti su sonu, brillai comenti sa luxi, mi ollu apaxiai asuta de dónnia forma, ollu intrai in dónnia àtomu, cabai fintzas a arribai in su fundu de sa matéria, essi sa matéria", (A. Breton)

Su sipàriu de su "Giardinu Megalìticu" de bia Rosorgimento in Santu Sparau cras 1 de su mes'e argiolas a is 18.30 s'at a oberri po arregalai a su púbblicu un'ispetàculu, interessanti meda, de dantza butoh: "Divine Delizie". Performance colletivas piticheddas, innui is baddadoris - si ligit in d-una nota de imprenta - "si lassant andai a un'eploratzioni de sa dantza chi est tambeni cumentzedi. In custa fasi - sighit sa nota "dónnia istudiu est stetiu pensau po sboddiai su tema de sa pintura centrali de su cuadru de Bosch". Un'ispetàculu nàsciu de diversus istudius chi ant arregalau a s'iscena diversas coreografieddas. Totu s'eventu est nàsciu de una bidea de Alessandro Pintus i est issu etotu a dirigi s'ispetàculu: Pintus est unu baddadori, unu coreografu e unu maistu de custu tipu de dantza. Is músicas funt invecis de Carlo Fatigoni e is costumus de Valentina Pintus.