Morri de amiantu. Custumerì in Madalena cunvegnu asuba de is pagamentus de is dannus

(IlMinuto) – Casteddu, 13 de su mes'e làmpadas - "Is mortus e is malàdius de oi funt acapiaus a su cuntatu chi tempus primu s'est tentu cun s'amiantu. Cussus chi eus a contai cras ant essi su cun dabori su frutu de cussu chi no arrennesceus a fai oi". Cun custus fueddus s'Aiea Sardigna presentat su cunvegnu "Amianto. Giustizia, previdenza e risarcimento del danno", in programma custumerì a is 17.00 in sa saba consiliari de su Comunu de Madalena. Su sceberu no est stetiu fattu tanti po fai, difatis in s'ísula - si ligit in d-una nota - si registrat "unu númeru mannu de mortus po mori de malis mandiadoris […]" acapiaus "a s'impitu e a s'abbusu de s'amiantu chi s'est fattu in custu contestu precisu, est a nai in Madalena, logu chi tenit 'unu tipu de traballu scéti' militari e maritimu". Is traballus - obertus a su púbblicu puru - ant essi presentaus de Tore Garau de s'Assótziu italianu "esposti amianto Sardegna"