Mostras: a su Teatru Cívicu de Casteddu 'e susu "Chronicles" de Roberto Serra

(IlMinuto) – Casteddu, 28 de su mes'e làmpadas - De su 30 de su mes'e làmpadas a su 24 de su mes'e argiolas, su Teatru Cívicu de Casteddu 'e susu, in Casteddu, at a aghilliri "Chronicles", sa mostra personali de Roberto Serra. S'aparada est un'arregorta de crònacas chi s'artista forgiat in is òperas suas, unu viàgiu aintru de is camminus de fatus acontéssius e chi depint acontessi, camminus chi lassant arrastas. Unu sceberu de òperas, cussu de su Teatru Cívicu, chi - podeus ligi in d-una nota - "oferrit un'anàlisi de su mundu fattu de tessereddas de importu mannu arregortas una a una chi s'arregalant luxis asuba de sa normalidadi de sa 'surrealtà' de dógnia diri". Sa mostra at a essi oberta gióbia 30 de su mes' làmpadas a is 19.00 e s'at a podi biri de su martis a su domínigu sighendi is oràrius de su Teatru.

Per scedas: 070 6777660