Prétzius in Casteddu: s'incaressimentu generalitzau aumentat de su 2,6% in d-un'annu. In su mes'e maju aumentus grais in sa cosa 'e papai e in sa bistimenta

(IlMinuto) – Casteddu, 1 de su mes' làmpadas - In Casteddu s'incaressimentu generalitzau sighit a cresci. In su mes'e de maju, si castiaus a su mesi passau, is prétzius funt aumentaus de su 0.1 po centu, torrendi agoa de un'annu, ivecis, si registrat unu scatu de s'incaressimentu de su 2,6 po centu. Ddu fait sciri sa nota de imprenta de custu mesi de su Serbítziu Informatica e Statistica de su Comunu. In su cuintu mesi de s'annu is aumentus si funt tentus prusatotu in duus cumpartus: cos'e papai e bufóngius senz'e ispíritu (+0,9), bistimenta e caltzamentus (+1,2).