Sa genti arrubia anniat in Sardigna. Ennas obertas a su Parcu de Molentargius

(IlMinuto) – Casteddu, 29 de su mes'e làmpadas - Arribat 3milla sa genti arrubia nàscia in Sardigna in su 2011. Po custu eventu ispantosu de vida, s'Enti Parcu Naturali Regionali Molentargius-Salinas, oberrit is barracas de annotu. De cras 30 de su mes'e làmpadas ónnia gióbia, ónnia cenàbara i ónnia sàbudu - de is 9.00 a is 12.00 - at essi possíbili assisti a unu miràculu miríficu de sa natura: s'at a podi castiai in primu línia comenti fait su niu sa genti arrubia. In su camminu, sa genti chi lompit, at a tenni puru sa possibilidadi de osservai is matas chi crescint in sassu e is diversus pillonis de àcua. Sèmpiri aintru de custu eventu, s'Enti Parcu - si ligit in d-una nota - "fait sciri ca in is diris 8, 15, 22 e 29 de su mes'e argiolas, in su Fàbricu "Sali Scelti" de bia La Palma, ant essi aprontaus seminàrius, fattus de is ténnicus de s'Enti Parcu, asuba de sa biologia de sa genti arrubia".