“Tiscali no chistionat cun is sindacaus”, Cgil, Cisl e Uil avisat un’isciòpiru in Sa Illetta

(IlMinuto) – Casteddu, 1 de su mes'e làmpadas - Renato Soru no baddat prus. A pagus oras de s'afestu po sa bitória de sa manca de centru in Casteddu, su consilleri regionali de su Pd a sa ghia de Tiscali s'at a agatai a afrontai un'isciòpiru in s'istabbilimentu de Sa Illeta. Cgil, Cisl e Uil ant difatis avisau s'astensioni de su traballu po lúnis 7 de su mes'e làmpadas, in is úrtimas duas oras de dógnia turnu. Est forti sa denúntzia de is sindacaus: "Sa dibbilesa de is raportus industrialis - si ligit in su documentu - no agiudat po nudda a s'inghitzu de unu calisisiat raportu tra is organitzazionis sindacalis, segundu cantu previdiu de su cuntratu natzionali de traballu, asuba de s'organitzatzioni a nou de is aziendhas, su prémiu de arresurtau 2010 e asuba de s' esamu de is livellus professionalis 5s".