Acontéssia Sairu: in Consillu regionali interrogatzioni "contra a is dispacius"

(IlMinuto) – Casteddu, 22 de su mesi de argiolas - S'ancontéssia Sairu, e po su prus cussa de is dispacius esecutivus in su mundu de sa massaria e de sa pastoria, arribat in Consillu regionali. Ariseru in s'assembrea de bia Roma est stetia presentada un'interrogatzioni (sa primu a ai firmau est Claudia Zuncheddu) chi preguntat a sa Giunta regionali "cali progetus e provedimentus apretosus bolat pigai po [...] assegurai su blocu de s'órdini de dispaciu [...] e sa sighidura de is fainas produtivas". "Su dispaciu de su 20 de su mesi de argiolas in Terra Segada - precisat difatis s'interrogatzioni - est stetiu suspendiu scéti in s'interis e riviau a data de fissai".