Acontéssia Sairu: mérculis in Terra segada mobilitada noa “contra a su dispaciu”

(IlMinuto) – Casteddu, 18 de su mes'e argiolas - Sighit sa solidariedadi de sa genti ingíriu de sa família Sairu. Mérculis chi benit, 20 de su mes'e argiolas, in Terra Segada (fratzioni de Crabònia) est in programma su dispaciu de is Sairu de sa domu chi s'agat in su satu e de is campus, bendius a s'asta po 150mila eurus.

Ma puru costa borta Angelo e Rosalba no ant afrontai su Cummosàriu a solus, difatis ant essi in cumpangia - comenti su 15 de su mes'e maju passau - de unu muru mannu de genti. "Depeus essi in medas - si ligit in s'apellu fatu connosci in Facebook - a frimai custa ingiustitzia. Tzerriaus s'arràbiu nostu a custa genti chi no potat coru e chi si pigat giogu de is disgràtzias de is àterus. Tocat a ddus frimai cun paxi e artziendi sa boxi. Seriedadi, frimesa e nisciuna bandera política".