Festival: in is giardinus púbblicus de Tàtari unu mesi de tzínema, líburus e música cun Figiurà

(IlMinuto) – Casteddu, 20 de su mes'e argiolas - Proietzionis, atopus cun is scridoris, butegas po pipius e tanti àterus apuntamentus po unu mesi intreu. Est custu su chi proponit a is tataresus Figiurà: su Festival chi s'at a tenni in is giardinus púbblicus de sa tzitadi turritana de su 25 de su mes'e argiolas a su 22 de su mes'e austu. S'eventu nascit de s'agiudu intre "Amerinda" Tzínema e is librerias Azuni, Dessì/Mondadori, "Messaggerie Sarde" e "Odradek", cun s'apógiu de s'assessorau comunali a is Culturas e cun s'agiudu de s'assessorau a is Políticas ambientalis. Tzínema e àteru meda a Figiurà. Dónnia  diri a is 22.00 ddoi at essi su "Ciak si mangia", atastus de cosa de papai  druci e sabia. S'eventu est po totus, mannus e piticus - si ligit in d-una nota de imprenta - "aunendi ammàjus, atmosferas e saboris chi lompint de is mundus chi de prus teneus in su coru - su tzínema, is líburus, sa música, s'ambienti - boleus chiastionai a totus, a is mannus e a is pipius".