Lei 44 de su 1988: nisciuna suspensioni de is pagamentus. Mandaus 5milla "sollecito"

(IlMinuto) – Casteddu, 29 de su mesi de argiolas - No fint mai su bisu malu de sa lei 44 de su 1988. S'atóbiu de mérculis intre s'assessori regionali de sa Messarítzia, Mariano Contu, e is assótzius de "categoria" no at donau nisciunu arrasurtau: no ddoi at essi nisciuna suspensioni de is pagamentus pedius de su Guvernu Sardu e cunsideraus "prus mannus de cussus chi depint de is massajus" de Coldiretti, Cia, Confagricoltura e Copagri.

Pagu prus de unu mesi fait su Guvernu Sardìnnia at mandau 5milla "solleciti" de pagamentu a is massajus sardus trisinaus in sa cosa, po unu totali de 31milionis de eurus. "Su determinu de s'Unioni Europea - at nau Contu - imponit a su Guvernu sardu s'óbligu de torrai in posessu de su dinai donau. Sa delíbera de sa Giunta regionali de su 24 de su mesi de làmpadas donat una possibilidadi importanti po chini bolit pagai a tandas".