Música: Vinicio Capossela in concertu in Turrimanna

(IlMinuto) – Casteddu, 13 de su mes'e argiolas - Su 16 de su mes'e austu, aintru de Dromos Festival, Vinicio Capossela at essi in Turrimanna cun "Marinai, Profeti e Balene". Su cantanti e autori - si ligit in d-una nota - "at essi unu de is artistas de importu mannu chi ant essi protagonistas de su festival aprontau de s'assótziu culturali chi donat su nòmini a s'eventu". Vinicio est perou scéti unu de is nòminis mannus de Dromos, sa manifestada musicali in programma de s'1 a su 18 de su mes'e austu in Nurachi, Aristanis, Arriòra, Boàtiri e Nureci. Is billetus si podint pigai in is butegas de su tzircúitu Green Ticket (www.greenticket.it).