"Sighi sighi". Rossella Faa presentat s'ispetàculu nou in Casteddu

(IlMinuto) – Casteddu, 5 de su mes'e argiolas - Ispetàculu nou po Rossella Faa. Lompendi a fai tres annus de sa bessida de "Baa-bà. Storie, ricette e preghiere fatte a canzone", sa cantanti e autora sarda - capassu de uniri "sa befa a cuss'etotu, sa recitatzioni e sa música jazz sighendi su ligimentu etnicu campidanesu" - presentat po sa primu borta is cantzonis de "Sighi sighi. I problemi delle donne", traballu chi at a bessiri tra pagu tempus. S'apuntamentu est po gióbia 7 de su mes'e argiolas a is 20.30 in Casteddu largu Giuseppe Dessì, intrada 6 eurus). Faa at essi acumpagiada de is sonadoris de sèmpiri Giacomo Deiana e Nicola Cossu, a sa ghitarra e su contrabassu, e de su baterista Massimo Russino.