Avenimentus: in Thiniscòle sa VIII editzioni de sa FESTADELMARE

(IlMinuto) – Casteddu, 23 de su mesi de austu - FESTADELMARE torrat in Santa Luxia de Thiniscòle. S'avenimentu, aprontau de Legambiente e fatu cun s'agiudu de is comunus de Thiniscòle e de Posada, sa Provìntzia de Nùgoro e sa Regioni Sardìnnia, s'at a tenni is is diris 2, 3 e 4 de su mesi de cabudanni. Un'atóbiu totu dedicau a su mari chi s'at a sboddiai cun dibàtidus, giogus, concertus, avenunimentus chi tenint in su conru sa cosa de papai e de bufai, música e ispetàculus. Su de su 2011 est unu cartellu arricu meda, chi fait bisitai a sa genti is aparadas fatas de is entis de su territóriu, de is parcus, de is areas amparadas de su mari, de is assótzius e de is aziendas. No at a mancai nemmancu s'atentzioni po is pipius, cun butegas de imparu ambientali, giogus e ispetàculus de istrada. Ddoi ant essi puru mostras mercau aundi is artesanus e is produtoris ant aparai is manixus insoru, mostras fotograficas e installatzioni artísticas in su scaru e in is aposentus de su Cea. Puru sa VIII editzioni de FESTADELMARE at essi una "festa" a emissioni zeru, gràtzias "a su progetu AzzeroCo2, chi previdit atzionis de imbuschimentu cun s'obietivu - si ligit in d-una nota - "de balantzai is emissionis de CO2 produsias cun su cumprimentu de su festival".

Po ndi sciri de prus: www.lafestadelmare.it