Mostras: in Nùgoro mostra fotografica dedicada a Pablo Volta

(IlMinuto) – Casteddu, 30 de su mesi de austu - Est stetia oberta sàbudu 27 de su mesi de austu, in sa domu Tribu in pratza Maria de sa Nii, sa mostra fotografica dedicada a Pablo Volta, fotografu de nàscidas argentinas mortu de pagu tempus a s'edadi de 85 annus. In s'aparada ddoi funt diapositivas, pellículas e màginis a imprenta chi fueddant de sa faina chi su fotografu at fatu in Sardìnnia, e po su prus in su coru de sa Barbaza a metadi de is annus '50. Est difatis própriu in custu períodu chi Volta at scobertu sa Sardìnnia. De custa scoberta est nàsciu s'amori suu po sa terra nostra. Un'amori chi at fatu nasci is reportage de Orgòsolo e Mamujada, testimónias de valori mannu asuba de sa vida de sa metadi de su séculu passau de is biddas de sa Barbaza. Sa mostra at abarrai oberta fintzas a su 27 de su mesi de cabudanni de su 2011 e at a sighiri custus oràrius: de is 10.00 a is 13.00 e de is 16.30 a is 20.30 cun serradura in sa diri de lúnis. S'intrada est a gratis.