In s'ex Amatzatógiu de Serrenti "Alzheimer Thè"

(IlMinuto) – Casteddu, 25 de su mesi de austu - Gióbia su primu de su mesi de cabudanni de is 18.00 a is 20.00 in is aposentus de s'ex Amatzatógiu de bia Natzionali in Serrenti ant a torrai a cumentzai is atóbius "Alzheimer Thè", is avenimentus funt aprontaus de s'Assótziu Familiari Alzheimer Serrenti. S'"Alzheimer Thè" - si ligit in d-una nota - "est complicidadi, ascurtu, acasàgiu e giuamentu po is famílias trisinadas in sa malàdia de Alzheimer". At a ghiai is atóbius Stefania Becciu, presidenti de s'Assótziu Familiari Alzheimer Serrenti. Po pigai prus scedas telefonai a su númeru: 3477738627 o scriri una e-mail a: familiarialzheimerserrenti@gmail.com.