Tzínema: in Pòrtu Turre presentada de Oil Segundu Tempus

(IlMinuto) – Casteddu, 4 de su mesi de austu - Sighit su tour po sa Sardìnnia de su segundu tempus de OIL, su film de denúntzia de Massimiliano Mazzotta chi sàbudu 6 de su mesi de austu at essi in Pòrtu Turre. Su segundu tempus de su film documentàriu e su líburu "L’oro nero dei Moratti" bessint a tres annus de OIL (www.oilfilm.it) e - si ligit in d-una nota - "sighint su contu de is dúbius e de is trivérsias asuba de is efetus ambientalis e sanitàrius de sa Saras, asuba de is acontéssias suas in Borsa e in is Tribunalis, e asuba de is mortis légias de is operàjus (s'úrtimu est de su 13 de su mesi de arbili de su 2011)". S'avenimentu, aprontau de Irs Pòrtu Turre, s'at a tenni in sa saba Filippo Canu de is 19.00 a is 22.00. Ant essi presentis puru is autoris e at essi Michele Sotgiu a fai de cordinadori.